«Մանչեսթր Յունայթեդ»-ի գլխավոր մարզիչ Ժոզե Մոուրինյոն բացատրել է այսօր կայացած Եվրոպայի լիգայի 3-րդ փուլի՝ «Ֆեներբախչե»-ի դեմ խաղում Հայաստանի ազգային հավաքականի ավագ Հենրիխ Մխիթարյանի բացակայությունը։
«Վնասվածք չունենալը և պաշտոնական հանդիպմանը խաղադաշտ դուրս գալու պատրաստ լինելը տարբեր բաներ են։ Ես չեմ կարող խաղային պրակտիկա տրամադրել բոլոր ֆուտբոլիստներին։ Մխիթարյանը երկար ժամանակ չի խաղացել, իսկ այս կազմը լավ է խաղում»,- նշել է Մոուրինյոն։
Հիշեցնենք, որ «Մանչեսթր Յունայթեդ»-ը հաղթանակ է տոնել՝ 4։1 հաշվով։