«Չորեքշաբթի Գերմանիայի և Ֆրանսիայի առաջնորդները ճնշում գործադրեցին Ռուսաստանի նախագահ Վլադիմիր Պուտինի վրա Սիրիայում իր վարքագծի կապակցությամբ: Գերմանիայի կանցլերը հայտարարել է, որ պետք չէ բացառել Մոսկվայի դեմ պատժամիջոցներ սահմանելու հնարավորությունը»,- գրում է The Wall Street Journal-ը:
Վերոնշյալ առաջնորդների հանդիպումը տեղի է ունեցել ուշ երեկոյան, Բրյուսելում կայանալիք ԵՄ-ի համաժողովից մեկ օր առաջ, որում, ինչպես սպասվում է, դաշինքը կոչ կանի Ռուսաստանին անհապաղ դադարեցնել Հալեպի ռմբակոծումը, սակայն զերծ կմնա Մոսկվայի դեմ պատժամիջոցները խստացնելու միջոցառումներից:
Դիվանագետները հաղորդել են, որ «Մոսկվայի հետ Սիրիայի շուրջ բանակցությունների վերսկսման և Հալեպում ժամանակավոր հրադադարի կապակցությամբ, նրանք, ովքեր պնդում էին Մոսկվայի վրա ճնշման մեծացմանը, թուլացրել են ճնշումը»:
«Ես, միանշանակ, լուծում չեմ ակնկալում հօգուտ պատժամիջոցների»,- ասել է ԵՄ-ի բարձրաստիճան դիվանագետներից մեկը: Սակայն, նրա կարծիքով, նոր պատժամիջոցները պետք է քննարկել: