Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում շարունակվում է Գևորգ Սաֆարյանի գործով դատավարությունը:
Գևորգի աջակիցներից մի կին դատական նիստի ընթացքում ծածանել է ՀՀ դրոշը, որն առաջացրել է դատավորի դժգոհությունը: Դատավորը պահանջել է կնոջն ազատել դատական նիստերի դահլիճը: Գևորգ Սաֆարյանն արձագանքելով միջադեպին ասել է. «Դրոշը ստեղ-ընդեղ մի բացեք»:
Հիշեցնենք, որ Գևորգ Սաֆարյանին մեղադրանք է առաջադրվել Քրեական օրենսգրքի 316-րդ հոդվածի 1-ին մասով:
Երևանի Ազատության հրապարակում 2016թ. հունվարի 1-ին ընդդիմադիր «Նոր Հայաստանի» անդամների և ոստիկանների միջև բախումներ էին տեղի ունեցել: Պատճառը տոնածառի հագուստով մայրաքաղաքի փողոցներում շրջող ակտիվիստն էր: Երեք անձ բերման էր ենթարկել, այդ թվում՝ Գևորգ Սաֆարյանը, որին հետագայում էլ կալանավորեցին:
Ըստ իրավապահ մարմինների` Գևորգ Սաֆարյանը բռնություն է գործադրել ոստիկանության 4-րդ հատուկ գումարտակի հրամանատար, ոստիկանության կապիտան Գեղամ Խաչատրյանի նկատմամբ: