Մոսկվայի ԲԿՄԱ-ի դարպասապահ Իգոր Ակինֆեևը թարմացրել է Չեմպիոնների լիգայի խաղարկության հակառեկորդը։ Նա սեփական դարպասը գնդակ է ընդունել 40-րդ հանդիպումն անընդմեջ։ Դա տեղի է ունեցել երեկ ուշ երեկոյան՝ «Մոնակո»-ի դեմ հանդիպման ընթացքում։ Խաղի 87-րդ րոպեին Բերնարդու Սիլվան գրավել է ԲԿՄԱ-ի դարպասը։ Նշենք, որ 30-ամյա Ակինֆեևը Չեմպիոնների լիգայի խաղարկության ընթացքում վերջին անգամ անառիկ է պահել դարպասը 2006 թվականի նոյեմբերի 1-ին՝ Լոնդոնում՝ «Արսենալ»-ի դեմ խաղում (0:0)։