BMW ընկերությունը ներկայացրել է M4 GTS թրեքային կուպեի հատուկ տարբերակը, որը նվիրված է Մարկո Վիտմանին՝ DTM գերմանական թափքային չեմպիոնատի նոր չեմպիոնին:
Սովորական M4 GTS տարբերակից, ի պատիվ DTM չեմպիոնատի թողարկված տարբերակը տարբերվում է թափքի գունաներկմամբ և լրացուցիչ աէրոդինամիկ տարրերի առկայությամբ: Բացի այդ, մրցարշավային տարբերակն ստացել է սև, ոչ թե գազարագույն անվասկավառակներ:
Մոդելը հագեցրել են OLED օրգանական լուսադիոդներով ետևի լապտերիկներով, սպորտային նստատեղերով և հինգկետանոց անվտանգության գոտիներով: