Վերելակում տեղի ունեցած պայթյունից սպանվել է Դոնեցկի անջատականների հրամանատար Արսեն Պավլովը` Մոտորոլան: Այդ տեղեկատվությունը հաստատել են Կիևն ու ինքնահռչակ «Դոնեցկի Ժողովրդական Հանրապետությունը»:
Նախնական տվյալներով` վերելակում պայթել է ինքնաշեն ռումբ: Դոնեցկի իշխանություններին արդեն հայտնի է` ով է պատվիրել և ով իրագործել Մոտորոլայի սպանությունը: Այդ մասին հայտարարել է ինքնահռչակ հանրապետության ղեկավար Ալեքսանդր Զախարչենկոն: Ըստ նրա` Մոտորոլայի սպանությամբ Ուկրաինայի նախագահ Պետրո Պորոշենկոն «խախտել է հրադադարն ու պատերազմ հայտարարել» Դոնեցկին:
Մոտորոլայի ջոկատը մասնակեցել է Սլավյանսկում և Իլովայսկում տեղի ունեցած մարտերին, ներկա է գտնվել Դոնեցկի օդանավակայանի գրոհին` որպես «Սպարտա» ջոկատի հրամանատար: