Հնդկաստանի Գոա նահանգում մեկնարկել է BRICS-ի 8-րդ գագաթնաժողովը, հայտնում է РИА Новости-ն:
Գագաթնաժողովի բացման պաշտոնական արարողությունները տեղի են ունենում Taj Exotica հյուրանոցում:
Անդամ երկրների ղեկավարները նախ կհանդիպեն առանձին, այնուհետև նախատեսված են BRICS-ի գործնական խորհրդի հետ բանակցություններ, որոնց կմասնակցեն անդամ երկրների պատվիրակությունները:
Դրանից հետո նախատեսվում է համատեղ փաստաթղթերի ստորագրում, որոնց թվում է «Գոայի հայտարարությունը»` մոտ ապագայում անդամ երկրների համատող գործողությունների ծրագիրը:
Երեկոյան անդամ երկրների ղեկավարները Leela հյուրանոցում կհանդիպեն «Բենգալյան ծոցի երկրների բազմաճյուղ տեխնիկական և տնտեսական համագործակցության նախաձեռնության» միության անդամ երկրների ղեկավարների հետ: Միության կազմում են Հնդկաստանը, Նեպալը, Թաիլանդը, Բանգլադեշը, Շրի-Լանկան, Բուտանը և Մյանման: