Իրադարձություններ

ՀՀ պաշտպանության նորանշանակ նախարար Վիգեն Սարգսյանն այսօր լրագրողների հետ զրույցում կարծիք է հայտնել, որ պաշտպանության նախարարը սկզբունքորեն պետք է լինի քաղաքական պաշտոնյա, այլ ոչ թե զինվորական: Հարցին` ի՞նչ փոփոխություններ ակնկալել, Սարգսյանը պատասխանել է. «Առաջիկա օրերին, երբ Կառավարությունն իր ծրագիրը ներկայացնի ԱԺ, հստակ ամրագրված կլինեն պաշտպանության ոլորտում այս կառավարության հիմնական նպատակն ու ուղղությունները»: Դիտարկմանն` արդյոք կապում եք Սեյրան Օհանյանի պաշտոնանկությունն ապրիլյան պատերազմի ժամանակ թերացումների հետ, նա ասել է. «Կարծում եմ՝ հանրապետության նախագահը շատ հստակ ներկայացրել է փոփոխության հիմնավորումը և այն գաղափարախոսությունը, որ դրված է պաշտպանության քաղաքացիական նախարար նշանակելու հիմքում»: