Եվրամիության անդամ երկրները պատրաստվում են գալիք շաբաթ, ամենայն հավանականությամբ, հոկտեմբերի 17-ին, քննարկել Սիրիայում հակամարտության սրման համար Ռուսաստանի հանդեպ նոր պատժամիջոցների սահմանման հարցը: Այս մասին հաղորդել է The Wall Street Journal պարբերականը` հղում անելով եվրոպական դիվանագիտական աղբյուրներին:
Լրատվականի տվյալներով` ՌԴ պատժամիջոցների հարցով Վաշինգթոնի և Բրյուսելի կողմից պաշտոնական հրահանգ չկա, բայց եվրոպական մայրաքաղաքներն արդեն իսկ սկսել են ուսումնասիրել, թե ինչպիսին կարող են լինել նոր պատժամիջոցները:
Ամենայն հավանականությամբ, ԵՄ նոր պատժամիջոցները կվերաբերեն ռուս քաղաքական գործիչներին: Ըստ Financial Times-ի` արդեն իսկ գոյություն ունեցող անհատական պատժամիջոցային ցուցակին կարող են ներառել ևս 12 քաղաքական գործչի անուն: