Հոկտեմբերի 12-ի ուշ երեկոյան պայթյուն է որոտացել Աթենքի կենտրոնական գրախանութներից մեկում, գրում է Associated Press-ը: Բարեբախտաբար, ոչ ոք չի տուժել: Նշվում է, որ մինչ պայթյունն, անհայտ անձը զանգահարել է թերթերից մեկի խմբագրություն ու հայտարարել, որ պայթուցիկ սարք է տեղադրել գրախանութում, և որ շուտով պայթյուն է լինելու:
Կես ժամ անց պայթյունից վնասվել է գրախանութն, ապակիները թափվել են հարևանությամբ կայանված ավտոմեքենաների վրա:
Տեղի ունեցածը թույլ է տալիս ենթադրելու, որ հեղինակները Հունաստանում գործող անարխիստական խմբավորումներն են: Նրանք հաճախ նման պայթյուններ են իրականացնում բանկերի և կուսակցությունների գրասենյակների մոտ: