Ճապոնիայի մայրաքաղաք Տոկիոյում ավելի քան 350 հազար տուն առանց էլեկտրաէներգիայի է մնացել: Ինչպես հայտնել են Tokyo Electric Power-ից` մասնագետները փորձում են պարզել հոսանքազրկման պատճառները:
Հոսանքազրկված շրջաններում երթևեկությունը կաթվածահար է եղել, մեքենաների շարժը կարգավորում են ոստիկանները: Երկաթուղային մի քանի գծեր դադարեցրել են աշխատանքը: Մետրոյի 2 գիծ ևս չի աշխատում:
Tokyo Electric Power-ը փորձում է վերականգնել էլեկտրամատակարարումը:
Նշենք, որ Bloomberg գործակալության հաղորդմամբ` էլեկտրամատակարարման խափանման պատճառը Սայթամա նահանգում տեղի ունեցած հրդեհն է: