Մեծ Բրիտանիայի խորհրդարանի անդամ Էնդրյու Միտչելը մեղադրել է Ռուսաստանին Սիրիայի խաղաղ բնակչության դեմ գրոհի համար և հայտարարել, որ Մոսկվայի գործողությունները նման են Իսպանիայում 1937թ քաղաքացիական պատերազմի ժամանակ նացիստների կողմից Գեռնիկա քաղաքի օդային ռմբակոծմանը, հաղորդում է BBC-ն:
«Մենք վկա ենք այնպիսի իրադարձությունների, որոնք համապատասխանում են Իսպանիայի Գեռնիկա քաղաքում նացիստական ռեժիմի վարքագծին: Ռուսաստանը ծվեն-ծվեն է անում իրավունքի միջազգային համակարգը»,- ասել է բրիտանական քաղաքական գործիչը:
1937թ ապրլի վերջին գերմանական Կոնդոր լեգեոնը Իսպանիայում քաղաքացիական պատերազմի ժամանակից ավիահարված հասցրեց Գեռնիկա քաղաքին: Ռմբակոծության հետևանքով քաղաքում հրդեհ բռնկվեց, որը ոչնչացրեց շինությունների մեծ մասը: Տարբեր տվյալներով` գրոհի զոհ էին դարձել 100-ից 300 մարդ: