Բելգիայի ազգային հավաքականի և «Քրիսթալ Փելս»-ի հարձակվող Քրիստիան Բենտեկեն հեղինակել է աշխարհի առաջնությունների ընտրական փուլերի ամենաարագ գոլը։ Դա տեղի է ունեցել 2018 թվականի աշխարհի առաջնության ընտրական փուլի՝ Ջիբրալթարի հավաքականի դեմ խաղի 7-րդ վայրկյանին։ Հանդիպումն ավարտվել է բելգիացիների հաղթանակով՝ 6։0 հաշվով։ Նշենք, որ նախորդ ռեկորդը պատկանում էր Սան Մարինոյի հավաքականի ֆուտբոլիստ Դավիդե Գվալտյերիին։ 1993-ին նա Անգլիայի հավաքականի դարպասը գրավել էր 8-րդ վայրկյանին։