Ռուսաստանի և Թուրքիայի միջև կնքված «Թուրքական հոսքի» մասին միջկառավարական համաձայնագրով տրվել է այդ ծրագիրը կյանքի կոչելու մեկնարկը, գազամուղի շինարարությունը կսկսվի 2018թ.: Россия 24-ին տված հարցազրույցում նման հայտարարությամբ է հանդես եկել «Գազպրոմ»-ի ղեկավար Ալեքսեյ Միլլերը:
Հիշեցնենք, որ հոկտեմբերի 10-ին Ռուսաստանն ու Թուրքիան միջկառավարական համաձայնագիր են ստորագրել «Թուրքական հոսք» գազամուղի վերաբերյալ: Կողմերը պայմանավորվել են գազամուղի երկու ճյուղ հիմնել` թուրքական և եվրոպական սպառողների համար: