Օբամայի վարչակազմին յոթ ու կես տարի պահանջվեց վերջապես արթնանալու և պուտինյան Ռուսաստանի բնույթը գիտակցելու համար, գրում է The Wall Street Journal-ը խմբագրական հոդվածում:
«Ուրբաթ օրը Ջոն Քերին հայտարարեց, որ Ռուսաստանի և Սիրիայի կառավարություններին անհրաժեշտ է ստուգել ռազմական հանցագործությունների կասկածով, իսկ ԱՄՆ-ի հետախուզական ծառայությունն իր վստահությունը հայտնեց, որ Դեմոկրատական կուսակցության վրա քիբերհարձակումների ետևում կանգնած է ՌԴ կառավարությունը»,- հիշեցնում է պարբերականը:
Թերթի կարծիքով` Քերիի վրդովմունքը` Սիրիայի իրադարձությունների հետ կապված, մեծ հետևանքներ չի ունենա, քանի որ Օբամայի ինքնաբացարկը Սիրիայում միջամտությունից համարյա զրկել է ԱՄՆ-ին տեղում իրավիճակի վրա ազդեցությունից:
«Այլ բան է՝ միջամտությունը ԱՄՆ-ի նախագահական ընտրությունների ընթացքին»,- նշում է թերթը:
«Միայն մեկ հրապարակային հայտարարությունը չի կանգնեցի ռուսական կողմին: Պուտինը մտադիր չէ դադարեցնել իր գործողությունները, քանի որ նա և Ռուսաստանը երբեք չեն վճարել իրենց քիբերգողության համար»,- մեկնաբանում է թերթը: