Mazda ընկերությունն սկսել է MX-5 ռոդսթերի նոր տարբերակի սերիական արտադրությունը: Նորույթն ստացել է կոշտ ծալովի տանիք: Բացի այդ, մեքենան տարբերվում է Machine Grey անվամբ թափքի յուրահատուկ գույնով: Ավտոմեքենայի համաշխարհային վաճառքը պետք է մեկնարկի 2017թ. սկզբին:
Մեքենայի շարժիչային շարքը ներառել է 1,5-լիտրանոց 140 ձիաուժ հզորությամբ բենզինային ուժային ագրեգատ և 2,0-լիտրանոց 180 ձիաուժ հզորությամբ շարժիչ: Ագրեգատներն աշխատում են վեցաստիճան մեխանիկական SkyActiv-MT փոխանցման տուփի հետ համատեղ: Որպես այլընտրանք հասանելի է նաև ավտոմատ տրանսմիսիան: