ԱՄՆ գլխավորությամբ գործող կոալիցիոն ուժերն Իրաքում սխալմամբ օդային հարվածներ են հասցրել իրաքյան աշխարհազորայինների դիրքերի վրա, ինչի հետևանքով 20 աշխարհազորային զոհվել է, ևս 5 մարդ վիրավորվել է:
Ինչպես հաղորդում է «Российская Газет»-ն` հղում անելով տեղական ԶԼՄ-ներին, օդային հարձակումը տեղի է ունեցել Էլ-Կիրյա քաղաքին հարակից Հարաիբ-Ջաբար գյուղի մոտ, այն պահին, երբ աշխարհազորայիններն Իրաքի բանակի հետ մասնակցելիս են եղել ԴԱԻՇ-ի դեմ մարտերին:
Կոալիցիոն ուժերը դեռևս չեն մեկնաբանել կատարվածը: