Մադրիդի «Ռեալ»-ի հարձակվող Գարեթ Բեյլի գործակալ Ջոնաթան Բարեթն անցած շաբաթվա վերջին հանդիպել է «Մանչեսթր Յունայթեդ»-ի ներկայացուցիչների հետ։ Այս մասին գրում է իսպանական մամուլը։
Հանդիպմանը ներկա էին նաև անգլիական ակումբի գլխավոր մարզիչ Ժոզե Մոուրինյոն և ակումբի գործադիր փոխնախագահ Էդ Վուդվորդը։
Նշենք, որ ավելի վաղ տեղեկություններ էին տարածվել, որ Բեյլն անձամբ է խնդրել իր գործակալին՝ սկսել «Մանչեսթր Յունայթեդ»-ի հետ բանակցությունները։ Բեյլին դուր չի գալիս «Ռեալ»-ում իր հանդեպ վերաբերմունքը։