ԲՀԿ-ն բողոքարկելու է ընտրությունների արդյունքները, այս մասին այսօր ԱԺ-ում լրագրողների հետ զրույցում նշել է ԲՀԿ խմբակցության պատգամավոր Միքայել Մելքումյանը:
Մելքումյանը բացառել է Գյումրիում ՀՀԿ-ի հետ դաշինք կազմելու հնարավորությունը: «Մենք արդեն բողոքարկել ենք, մի շարք քաղաքական ուժերի հետ կոնսոլիդացիա ենք անում, քաղաքականությունը չի սիրում «եթե»-ներ, ՀՀԿ-ի հետ չենք կազմելու որևէ կոալիցիա»:
Նրա խոսքով` իրենք գոհ չեն Վանաձորի ընտրությունների արդյունքներից: «Ճիշտ է, մենք հաղթահարել ենք արգելքը, անցել ենք, էնտեղ ավագանի կունենանք, բայց դա մեր թեկնածուի և տեղական կառույցի առանձնահատկությունն էր, մենք այդտեղ շատ արագ վերադասավորումներ ենք անելու»,- ասել է Մելքումյանը: