Հալեպի ռմբակոծությունների ընթացքում զոհվել է հայազգի լողորդուհի Միրեյ Հինդոյանը։ Այս մասին գրում է «The Independent»-ը՝ հղում անելով տեղի «Գանձասար» պարբերականին։
Հոդվածում, մասնավորապես նշվում է, որ Հինդոյանը վնասվածքներ է ստացել իր բնակավայրի վրա կրակ արձակելու ընթացքում։ Նա մահացել է հիվանդանոցում։ Ավելի վաղ՝ սեպտեմբերի 30-ին, մահացել է նրա 12-ամյա եղբայրն՝ Արման Հինդոյանը։
Հայաստանի երիտասարդական միության Հալեպի մասնաճյուղը ցավակցական ուղերձ է հղել Միրեյի հարազատներին՝ նշելով, որ Հինդոյանը լողի հավաքականի վստահելի և աշխատասեր անդամ էր։