Fergananews լրատվական գործակալությունը տարածել է մի տեսանյութ, որտեղ հանրային արտաքնոց նետված նորածին երեխային փրկում են փրկարարները: Դեպքը տեղի է ունեցել Միջին Ասիայի երկրներից մեկում, ենթադրաբար` Տաջիկստանում: Այս տեղեկատվությունը հաստատել են մի քանի աղբյուրներ:
Տեսանյութում երևում է, որ նորածինը փաթաթված է եղել պոլիէթիլենային տոպրակի մեջ, սակայն հրաշքով ողջ է մնացել: Տոպրակից հանելուց հետո նա լացել է: Առայժմ նրա հետագա ճակատագրի կամ էլ նրա մոր գտնվելու վայրի մասին տեղեկություններ չկան: