Հռոմի պապ Ֆրանցիսկոսը ժամանել է Բաքու: Այցի նպատակն է` ոգեշնչել Ադրբեջանի կաթոլիկ համայնքին: Պապը պատարագ կմատուցի սրբադասված Հովհաննես Պողոս Երկրորդ պապի այցից հետո` 2002-ին կառուցված կաթոլիկ եկեղեցում:
Մեծամասամբ շիա մահմեդականներով բնակեցված Ադրբեջանում ապրում է մոտ 500 կաթոլիկ:
Հռոմի պապը կհանդիպի նաև Ադրբեջանի մյուս կրոնական ուղղությունների հետևորդների, ինչպես նաև` Իլհամ Ալիևի հետ և այսօր էլ կվերադառնա Հռոմ:
Ֆրանցիսկոս պապը Բաքու է ժամանել Թբիլիսիից, որտեղ բաց երկնքի տակ պատարագ է մատուցել հազարավոր մարդկանց: