«Ուզում եմ թոռնուհի ունենալ ու անունը կնոջս պատվին Ռուզաննա դնել». Հարութ Փամբուկչյան
22:40, շաբաթ, 01 հոկտեմբերի, 2016 թ.
   Կուզեի ավելի ուշ ծնվել և լինել ազատ ու անկախ Հայաստանի զինվոր - Ես զավակն եմ զեյթունցի Եսայի Փամբուկչյանի: Ծնվել և մեծացել եմ Երևանում` Նոր Արեշ թաղամասում: 1969 թվականին մեկնել եմ խորհրդային բանակ: Բայց հավատացեք` կուզեի ավելի ուշ ծնվել և լինել ազատ ու անկախ Հայաստանի զինվոր: Մասնագիտությամբ նկարիչ-քանդակագործ եմ: Մորս հետ 1975 թվականին մեկնել ենք Լիբանան, այնուհետև մեկ տարի անց` Միացյալ Նահանգներ և ահա արդեն 40 տարի է` բնակվում եմ Լոս Անջելեսում:   Ուզում եմ թոռնուհի ունենալ և անունը դնել Ռուզաննա - Սրանից 3 տարի առաջ կորցրեցի կնոջս, բայց ունեմ տղա, ով արդեն 38 տարեկան է: Ժամանակին ասում էի, եթե ինձ պապիկ դարձնես, քեզ կխեղդեմ, բայց հիմա խնդրում եմ իրեն, որ ինձ պապիկ դարձնի: Տղամարդիկ ընդհանրապես ուզում են տղա թոռնիկ ունենալ, ես ընդհակառակն` ուզում եմ թոռնուհի ունենալ և անունը դնել Ռուզաննա:  Սկզբում ամաչում էի, որ ձախ ձեռքով եմ կիթառը բռնում - Կիթառը վերցրեցի ու ձախ ձեռքով սկսեցի նվագել: Սկզբում ամաչում էի, որ ձախ ձեռքով եմ բռնում, բայց հետո տեսա, որ աշխարհում 2 գիգանտ երաժիշտներ կան, որոնք կիթառը նվագում էին ինձ նման, բայց նրանք, ի տարբերություն ինձ, կիթառի լարերը փոխում էին, իսկ Փամբուկչյանն առանց լարերը փոխելու է նվագում: Հետո տեսա, որ դա ոչ թե ամաչելու, այլ հպարտանալու բան է:  Հրավերներ լիում են, բայց ընտանեկան խնջույքների համար - Հայաստանի երգիչները Լոս Անջելեսից հրավերներ ստանում են, գալիս, երգում են, բայց Հայաստանից հրավերներ լինում են միայն ընտանեկան խնջույքների համար: Շատ կուզեի Անկախության տոնակատարության օրը բեմ դնեին և եթե ինձ ասեին` կերգեի:  Հ1-ի 60-ամյա հոբելյանին հրավիրված էի, բայց... Կառավարությունից վիրավորանք կամ սխալ վերաբերմունք չեմ տեսել, միշտ զգացել եմ հարգանքը: Այս անգամ Հ1-ի կողմից հրավիրված եմ եղել 60-ամյա հոբելյանին, բայց չգիտես` ինչեր դուրս եկան և հանկարծ չեղյալ համարվեց այդ երեկոն: Այդ նպատակով եկել, հասել եմ այստեղ, բայց դա չեղավ, սա է իրականությունը:  Սիրուշոն Հայաստանի քաղցր սիրտն է Վերջերս սկսեց մեծանալ հետաքրքրությունն իմ երգերի շուրջ: Երբ տեսնում եմ, որ դիմողը շնորհալի է, համաձայնում եմ: Եկեք ծուռ նստենք, շիտակ խոսենք. Սիրուշոն լավագույն երգչուհիներից մեկն է: ԱՄՆ-ում Ջուլիա Ռոբերթսի համար ասում էին Ամերիկայի քաղցր սիրտն է, չեք կարծո՞ւմ` մեր քաղցր սիրտն էլ Սիրուշոն է` իր երգերով, տաղանդով: Հիմա «Տարիներ» երգը մի 30 տարի էլ Սիրուշոյի հետ կլսենք: 
|
13015 | 2
