Երիտասարդ ֆոտոմոդել Մելանի Գայդոսն արմատապես տարբերվում է սնդուսափայլ ամսագրերի էջերից ժպտացող և ընդունված չափանիշներին համապատասխան մոդելներից: Նրան շատերը համարում են ոչ միայն ոչ գեղեցիկ՝ այլև տգեղ ու սարսափելի: Սակայն նրանք, ում հաջողվել է նրա հետ մտերիմ հարաբերություններ ունենալ, պնդում են, որ նա լի է անսահման էներգիայով, խարիզմայով և ներքին գեղեցկությամբ:
Մելանի Գայդոսն ապրում և ստեղծագործում է ԱՄՆ-ում: Նա տառապում է եզակի գենետիկ շեղումով՝ էկտոդերմալ դիսպլազիայով: Այս հիվանդությունն ազդում է մաշկի, մազերի, եղունգների, երբեմն նաև՝ ոսկորների աճի վրա: Գայդոսը տառապում է այս հիվանդության ծանր տեսակով, ինչը նրան մշտապես արժանացրել է շրջապատի վախեցած հայացքներին ու արհամարհանքին:
Սակայն Գայդոսը կարողացել է հաղթահարել այս ամենը, նրան համաշխարհային հռչակ է բերել Ռամշտեյնի «Մեյն հերց բրեյն» տեսահոլովակում նկարահանվելն, ինչից հետո մասնակցել է բազում ֆոտոսեսիաների՝ դառնալով հարուստ ու ինքնավստահ: