«Ըստ էության՝ ասենք հետևյալը, որ կառավարության մեջ գործառույթներ կան, որոնք ճիշտ ձևով չեն իրագործվում և առաջացնում են որոշակի բողոքներ, որին էլ համարեց գողություն։ Գողություն՝ ոչ թե գողական ասպարեզի մարդիկ գողանում տանում են, չգիտեմ՝ ինչեր են անում, այլ պարզապես չկիրառելը համարեց գողություն»,- այսօր լրագրողների հետ զրույցում անդրադառնալով վարչապետի հայտարարած «պրիմիտիվ գողությունների» թեմային՝ ասել է ԱԺ նախագահ Գալուստ Սահակյանը հավելելով,- գողությունը գողանալ բառը չէ»։
ՀՀ ԱԺ նախագահն, անդրադառնալով «Ամենակարող երգիչ» հաղորդմանը, որի շրջանակներում հնչում է նաև ռաբիս երաժշտություն, ասել է. «Կարծում եմ՝ մենք այնպիսի երաժշտական կոթողներ ունենք, որ ավելի լավ է՝ մեր ժողովուրդը դրան վարժվի: Իսկ ինչ վերաբերում է ռաբիսին, ասեմ` սա ստեղծվել է սովետի ժամանակ, որ որոշակի խավեր այդ երաժշտության տակ կարողանան իրենց խնջույքը, թաղումը ու մոտեցումը ձևավորել: Եվ դրա հետևանքով բավականին լավ երաժշտություններ են ստեղծվել, օրինակ` ռաբիս երգողներից, ոնց էր ազգանունը էն շլյապայով երգչի, հա Թաթա Սիմոնյանը: Թաթայի երգած ռաբիսը լավ ռաբիս է, որը, կարծում եմ, ավելի ճոխացված է»:
Նա նաև խոստովանել է, որ երբեմն լսում է ռաբիս երաժշտություն. «Կարողանում եմ երբեմն-երբեմն լսել ռաբիս: Իմիջիայլոց ասեմ, որ երբ մենակ ես լինում, մի քանի հոգով նաև լսում ես ռաբիս երաժշտություն: Դրա համար կան ռաբիս երաժշտություններ, որը ոչ թե ռաբիսի մոտեցումներ են, այլ ձևափոխված մի երաժշտություն կա, որը երբեմն-երբեմն հեռուստատեսությամբ էլ է լսվում»: