Ինչպես հայտնի է, երեկ երեկոյան ՕՊԵԿ անդամ երկրներն, Իրանի Նավթի նախարարի բնութագրմամբ, «բացառիկ» որոշում են կայացրել` նվազեցնելով նավթի արդյունահանման ծավալները:
Այդ որոշմանը հաջորդել է սև ոսկու գների ավելի քան 6%-ով աճը: Եվրոպական նավթի արժեքը ընդհուպ մոտեցել է 50 դոլարի: Առավոտյան, սակայն, ճշգրտումների արդյունքում նավթի գները չնչին նվազել են: Եվրոպական «Բրենթ» տեսակի նավթի 1 բարելի արժեքը հասել է 49.02 դոլարի, իսկ ամերիկյան նավթի 1 բարելը հասել է 47 դոլարի: