Մարոկոյում, Լեգզիրայի ծովափում, փլվել է երկրի այցեքարտը համարվող քարե զույգ կամարներից մեկը: Այժմ բնության այս հրաշքի վայրում միայն քարերի կույտ է:
Առայժմ չի հաջողվել պարզել, թե ինչն է դարձել փլուզման պատճառ, սակայն դեռ մարտին դրա վրայից մի մեծ կտոր էր պոկվել` կամարի վրա առաջացնելով ճաք: Հնարավոր է, փլուզման մեղավորը ծովի ալիքներն են:
Հենց այս կամարների շնորհիվ էր, որ տեղի ծովափը դարձել էր ամբողջ աշխարհի զբոսաշրջիկների սիրելի լողափերից մեկը: Տեղի իշխանությունները վախենում են, որ փլուզման պատճառով կնվազի զբոսաշրջիկների հոսքը երկիր, որն առանց այդ էլ նվազել է 2016-ի կեսերից հետո ահաբեկչության վտանգի և տարածաշրջանի անկայունության պատճառով: