Խնդրում ենք սպասել...

Իրադարձություններ

«Գյուղում կան մարդիկ, ովքեր «աբիժնիկ են» ու երեխաներին հրահրում են». Վարդենիսի գյուղապետ

15:45, երեքշաբթի, 27 սեպտեմբերի, 2016 թ.
«Գյուղում կան մարդիկ, ովքեր «աբիժնիկ են» ու երեխաներին հրահրում են». Վարդենիսի գյուղապետ

Արագածոտնի մարզի Վարդենիս գյուղի դպրոցի աշակերտներն այսօր դասադուլ են հայտարարել: Պատճառը` Զալիբեկ Հակոբյանի անվան միջնակարգ դպրոցի անբարեկարգ վիճակն է: «Դպրոցն անբարեկարգ վիճակում է գտնվում, շենքը վթարային է: Հիմա էլ եղանակները ցրտել են, երեխաներն ասում են, որ մրսում են, դրա համար էլ դասի չեն գնում»,- ասաց գյուղացիներից Սերինե Մելքոնյանը:
     Վարդենիսի գյուղապետ Կամո Պետրոսյանը մեզ հետ զրույցում տեղեկացրեց, որ խնդիրը ժամանակավոր բնույթ է կրում, քանի որ գյուղում նոր դպրոց է կառուցվում. «10 օրից նոր դպրոցը պատրաստ կլինի, ուղղակի կառուցման աշխատանքները ձգձգվեցին, քանի որ նախագծային փոփոխություններ տեղի ունեցան: Այնպես որ, շուտով նոր դպրոց կունենանք: Գյուղում կան մարդիկ, ովքեր «աբիժնիկ են» և երեխաներին հրահրում են: էրեխեքն էլ չեն հասկանում ու դասադուլ են անելու այնքան ժամանակ, մինչև նոր դպրոցը կառուցեն: Բայց կարող ենք ընդամենը 10 օր յոլա գնալ, բայց դե երեխաներ են, չեն հասկանում»,- ասաց գյուղապետը:

4257 | 0
Facebook