ԱՄՆ Շարլոթ քաղաքում պարեկային ժամ է սահմանվել երրորդ օրը չդադարող անկարգությունների պատճառով, փոխանցում է BBC–ն։
Բողոքի ակցիաներն սկսվել էին 2 օր առաջ՝ ոստիկանի կողմից սևամորթ քաղաքացու սպանությունից հետո։
Ավելի վաղ հայտնել էինք, որ քաղաքում արտակարգ դրություն է սահմանվել, և քաղաք է ուղարկվել ազգային գվարդիան։
Հինգշաբթի գիշերը սկսված ցույցն ի սկզբանե խաղաղ էր, սակայն հետո բազմության մեջ կրակոցներ են լսվել։ Ցուցարարներից մեկը վիրավորվել էր, նրա վիճակը ծայրահեղ ծանր է։
Հիշեցնենք, որ 43-ամյա սևամորթ Քիթ Լամոնթ Սքոթը վիրավորվել էր սևամորթ ոստիկանի կողմից և ավելի ուշ հիվանդանոցում մահացել էր։ Ոստիկանությունից հայտնել են, որ Սքոթի ձեռքում զենք է եղել, և նա վտանգ է ներկայացրել, սակայն հարազատները պնդում են, որ նա զինված չի եղել։