Պենտագոնի ղեկավար Էշթոն Քարթերն իր աջակցությունն է հայտնել Ռուսաստանի և ԱՄՆ-ի՝ սիրիական ճգնաժամի կարգավորման համաձայնագրին այն բանից հետո, երբ հաղորդագրություն է տարածվել, որ ԱՄՆ-ի Պաշտպանության նախարարությունը դեմ է այդ գործարքին, գրում է The Hill-ը:
«Պաշտպանության նախարարությունում մենք կխաղանք ցանկացած դեր, որը մեզ կտրվի, մեզ համար սովորական ամենաբարձր մակարդակում»,- ասել է Քարթերը:
Պենտագոնի ղեկավարի խոսքով` սեպտեմբերի 12-ից Սիրիայում սկսված հրադադարը «հիմնականում պահպանվում է»:
Բացի այդ, Քարթերն իր երախտագիտությունն է հայտնել ԱՄՆ պետքարտուղար Ջոն Քերիին սիրիական համաձայնագրի գործում իր ջանքերի համար:
Ավելի վաղ հայտարարվել է, որ սիրիական գործարքը տարաձայնություններ է առաջացրել Սպիտակ տան և Պենտագոնի միջև, որը կասկածում է ահաբեկիչների դեմ պայքարի պլանի նպատակահարմարության մեջ և չի ցանկանում կոորդինացվել Ռուսաստանի հետ: