Ամերիկյան Apple տեխնոլոգիական ընկերության iOS օպերացիոն համակարգի թարմացված տարբերակը (iOS 10) արդեն հասանելի է iPhone, iPod Touch և iPad սարքերում ներբեռնման համար:
The Verge-ի փոխանցմամբ` սա Apple-ի կողմից iOS օպերացիոն համակարգի խոշորագույն թարմացումն է, որի արդյունքում օգտատերերը կկարողանան օգտվել Siri ձայնային հավելվածի կատարելագործված տարբերակից և մի շարք այլ նորարարություններից: Փոխվել է iMessage հաղորդագրային ծառայության դիզայնը, ավելացվել են նոր սթիքերների և էմոջիներ:
Հայտնի է, որ նոր iOS 10-ի ներբեռնումն անվճար է iPhone 5 և դրանից հետո թողարկված մոդելների, 6-րդ սերնդի iPod Touch-ի, iPad mini 2 և դրանից հետո թողարկված մոդելների, ինչպես նաև 4-րդ սերնդի iPad-ի, iPad Air-ի և iPad Pro-ի համար: