Բրազիլիայի ազգային հավաքականի և «Բարսելոնա»-ի նախկին հարձակվող Ռոնալդինյոն հայտարարել է, որ մտադիր է ևս մեկ տարի մնալ ֆուտբոլում։
«Ես արդեն ծերուկ եմ, 36 տարեկան եմ։ Արդեն 26 տարեկան չեմ, և ինձ առաջվա պես չեմ զգում։ Մտադիր եմ ևս մեկ տարի խաղալ։ Նոր նախագծեր ունեմ՝ կապված երաժշտության և ֆուտբոլի հետ։ Դուք գիտեք, որ այդ երկու ոլորտների հանդեպ ես կիրք ունեմ։ Ես նորովի եմ նայում այն բաներին, որոնք միշտ սիրել եմ։ Տեսնենք, թե ինչ եմ անելու հաջորդ տարի»,- նշել է Ռոնալդինյոն։