Միացյալ Նահանգների Առևտրի նախարարությունն ընդլայնել է Ռուսաստանի հանդեպ կիրառված պատժամիջոցները` պատժամիջոցային ցուցակում նոր ընկերություններ ավելացնելով: Նախկին 70 կազմակերպության փոխարեն սահմանափակումների տակ են հայտնվել 81 կազմակերպություն: Ռուսական կազմակերպություններից բացի այդ ցուցակում են հայտնվել նաև կազմակերպություններ Հնդկաստանից և Հոնկոնգից:
Նախորդ շաբաթ պատժամիջոցային ցուցակում հայտնված ռուսական կազմակերպությունների թիվն ավելացրել էր նաև ԱՄՆ Ֆինանսների նախարարությունը. նոր ցուցակում հայտնվել էին ևս 20 կազմակերպություն և 17 ֆիզիկական անձ: