Օգոստոսի 26-ին Սլովակիայի Տրնավա քաղաքի բռնցքամարտի ակադեմիայում կայացավ Վարուժան Մարտիրոսյան – Յոզեֆ Կուչերիկի միջև նախաչեմպիոնական մենամարտը։ Մեր հայրենակից Վարուժան Մարտիրոսյանն, ով մարտին հռչակվել էր Սլովակիայի չեմպիոն, այս մենամարտում նույնպես հաղթանակ տոնեց՝ մրցավարների միաձայն որոշմամբ։ Ավելի վաղ MAMUL.am-ի թղթակցին տված հարցազրույցում Վարուժանը նշել էր, որ այս մենամարտում հաղթելն իրեն հնարավորություն կտա պայքարել 64 կգ քաշային կարգի չեմպիոնական գոտու համար։