Արագածոտնի մարզի Ծաղկահովիտ գյուղում սեպտեմբերի 18-ին տեղի են ունենալու համայնքի ղեկավարի ընտրություններ: Կենտրոնական ընտրական հանձնաժողովը վերջնական հրապարակել է այն թեկնածուների ցանկը, ովքեր պայքարելու են պաշտոնի համար: Գրանցված թեկնածուներն են` անկուսակցական, «Սասնա ծռեր» խմբի անդամ, կալանավորված Արայիկ Խանդոյանը, գործող գյուղապետ, իշխող Հանրապետական կուսակցությունը ներկայացնող Երվանդ Խաչատրյանը, անկուսակցական Նորայր Հակոբյանը և նրա եղբայր, «Բարգավաճ Հայաստան» կուսակցության անդամ Աշոտ Հակոբյանը: Վերջինս, սակայն, Խանդոյանի գրանցվելուն պես, ինչպես նախապես հայտարարել էր, հանել է թեկնածությունը: