Kia ընկերությունը հրապարակել է չորրորդ սերնդի Rio-ի առաջին թիզերային լուսանկարները: Հեչբեքի պաշտոնական շնորհանդեսը տեղի կունենա սեպտեմբերի 29-ին Փարիզի ավտոսրահում: Նոր Rio-ն զգալիորեն մեծ կլինի իր նախորդից: Մեքենան ստանալու է ավելի սպորտային դիզայն Hyundai i20 ոճի մեջ: Հեչբեքի սրահում տեղադրելու են տեղեկատվական-զվարճանքային համակարգի մեծ էկրան: Եվրոպայում հեչբեքի շարժիչային շարքի մեջ մտնելու է 1,2-լիտրանոց բենզինային ագրեգատ, որի հզորությունը կազմելու է 75-ից 84 ձիաուժ: Նորույթը հնարավոր կլինի ձեռք բերել նաև 1,4-լիտրանոց 100 ձիաուժ հզորությամբ բենզինային շարժիչով: