Թերթերի տեսություն

«Հայկական ժամանակ»-ը գրում է. «Արայիկ Հարությունյանը Լավանդայի Արայիկը, վաճառքի է հանել Սևանի ափին տարիներ առաջ կառուցած քոթեջները։ 54 քմ տարածքով մեկ քոթեջը վաճառում է 22 հազար դոլարով։
     Հիշեցնենք, որ այդ քոթեջները կառուցվել են օրենքով թույլատրված նիշից 1908 մետրից ցածր տարածքում։ Տարիներ առաջ Ա. Հարությունյանը պլանավորում էր 47 հեկտար տարածքի վրա հիմնել «Լավանդա սիթի» ամառանոցային քաղաք, կառուցել 400 հատ քոթեջ, այնուհետև դրանք վաճառել։
     Մեր տեղեկություններով, Հարությունյանը շտապում է վաճառել այդ քոթեջները. ներդրած գումարները հանել, քանի որ վտանգ կա, թե առաջիկա տարիներին դրանք կարող են հայտնվել ջրի տակ։ Չէ՞ որ Սևանա լճի ջրի մակարդակը բարձրացնելու ծրագիր կա»:
     Մանրամասները` թերթի համարում: