Zagato իտալական թյունինգ-ատելիեն Aston Martin-ի հետ համատեղ Vanquish Zagato Volante անվամբ նոր ռոդսթեր են մշակել: Ավտոմեքենայի պաշտոնական շնորհանդեսը տեղի է ունեցել Փեբլ-Բիչում էլեգանտության մրցույթի ժամանակ: Նորույթը թողարկվել է սահմանափակ քանակությամբ` 99 օրինակով հատուկ ԱՄՆ-ի շուկայի համար: Ավտոմեքենայի թափքը կարբոնից է: Մեքենան ստացել է լուսադիոդային օպտիկա: Ռոդսթերը շարժման մեջ է բերում 5,9-լիտրանոց բենզինային V12 շարժիչը, որի հզորությունը կազմում է 592 ձիաուժ: Մինչև 100կմ/ժ ավտոմեքենան զարգացնում է 3,7 վայրկյանում: