Հնդկաստանում ռեյսային ավտոբուսը Հայդարբադ քաղաքից Կակինադ քաղաք ուղևորվելիս դուրս է եկել կամրջից ու ընկել ջրատարը: Այս մասին տեղեկանում ենք Gazeta-ից, որն էլ հղում է անում The Hindu–ին:
Կատարվածի հետևանքով զոհվել է առնվազն 8 մարդ, 18-ը ստացել են վնասվածքներ:
Ըստ աղբյուրի, ավտոբուսը գերազանցել էր արագությունը, որից հետո բախվել կամրջի արգելապատնեշին, կոտրել այն ու ընկել ջրատարը:
Կատարվածին ականատես են եղել ձկնորսները, որոնք էլ ոստիկանություն են կանչել:
Ավտոբուսի մեջ մնացած մի քանի մարդուն փրկարարները փորձում են դուրս բերել: