Այսօր՝ ՊՊԾ գնդի գրավման 13-րդ օրը ոստիկանները սովորականի նման դիրքավորվել էին ՊՊԾ գնդի դիմաց՝ Խորենացի փողոցում: Սակայն Ազատության հրապարակից իրենց երթն սկսած հազարավոր ցուցարարներ անակնկալի բերեցին նրանց և Նար-Դոսի փողոցի երկրորդական ճանապարհներից մեկով ուղևորվեցին Սարի թաղ՝ գնդին մոտենալով հակառակ կողմից: Նրանց հետ էր նաև Զարուհի Փոստանջյանը: Ոստիկանները սրան անկհայտորեն պատրաստ չէին, քաղաքացիական հագուստով հարյուրավոր ոստիկաններ Խորենացուց աճապարեցին գնդի հակառակ կողմը: Այժմ լսվում են կրակոցների և պայթյունների ձայներ՝ որոնց ստույգ տեղն ու նպատակները դեռ հայտնի չեն: