«Ժողովրդավարական հայրենիք» կուսակցության նախագահ Պետրոս Մակեյանի դիտարկմամբ` իշխանություններն օրենքն ու սահմանադրությունն օգտագործում են` իրենց անօրինականությունները քողարկելու համար: Նա համոզված է, որ Սերժ Սարգսյանն ուզում է այս իրավիճակում շահեկան ինչ-որ բան ստանալ և հողերի հանձնելու գործընթացը հետաձգել:
«Նա փորձում է աշխարհին, և հատկապես Ռուսաստանին ցույց տալ, որ կան ծայրահեղականներ, ովքեր խոչընդոտում են այդ հարցը լուծելուն»:
Պետրոս Մակեյանի բնորոշմամբ` իշխանությունը դուրս է բերել քաղաքական բաղադրիչը, օգտագործում է միայն ուժային, անմարդկային լծակը:
«Իշխանությունը պետք է հասկանա, որ այլևս այս ձևով շարունակել հնարավոր չէ: Եթե նույնիսկ այս տղաներին էլ զինաթափի, տանի` փակի, միևնույն է, եթե դեմքով շուռ չգա դեպի ժողովուրդը, նորից նույնը կկրկնվի»,- նշեց Պետրոս Մակեյանը: Նրա համոզմամբ` անհնար է ժողովրդի ողնաշարը կոտրել: