«Սասնա ծռերի» խմբի անդամներ Արամ Հակոբյանի ու Գագիկ Եղիազարյանի գտնվելու վայրի մասին մինչ օրս որևէ հստակ տեղեկություն չկա: Ըստ ոստիկանության հաղորդագրության, նրանք ՊՊԾ գնդի տարածքում հանձնվել են իրավապահներին, իսկ ըստ «Սասնա ծռեր»-ի տարածած հաղորդագրության՝ նրանց առևանգել են ոստիկանները:
Shabat.am-ը կապ է հաստատել Արամ Հակոբյանի և Գագիկ Եղիազարյանի պաշտպան Լուսինե Հակոբյանի հետ, ով պատրաստվում է առաձնատեսակցության իր պաշտպանյալների հետ:
Լուսինե Հակոբյանը հայտնել է, որ Արամ Հակոբյանը և Գագիկ Եղիազարյանը պահվում են ԱԱԾ մեկուսարանում:
«Երկուսն էլ ունեն կասկածյալի կարգավիճակ քրեական օրենսգրքի նույն հոդվածով՝ շենքեր, շինություններ զավթելը կամ դրանք պահելը և ապօրինի կերպով զենք, ռազմամթերք, պայթուցիկ նյութեր ձեռք բերելն, իրացնելը, պահելը կազմակերպված խմբի կողմից: Երկուսն էլ ունեն վնասվածքներ»,-ասել է պաշտպանն, ով երեկ ևս տեսակցել է իր պաշտպանյալներին: