Մարդու իրավունքների պաշտպանի ներկայացուցիչներն այցելել են Ոստիկանության Շենգավիթի բաժին և տեսակցել Գյումրիի «Ասպարեզ» լրագրողների ակումբի նախագահ Լևոն Բարսեղյանին:
Պաշտպանի ներկայացուցիչներն առանձնազրույց են ունեցել Լևոն Բարսեղյանի հետ, ապա օժանդակել, որպեսզի կայանա նրա ու փաստաբանի հանդիպումը: Այս մասին հայտնում են ՄԻՊ գրասենյակից և խոստանում լրացուցիչ մանրամասներ հաղորդել ավելի ուշ։ Նշենք, որ Լևոն Բարսեղյանը բերման էր ենթարկվել այսօր՝ ժամը 03։00-ի սահմաններում և, համաձայն օրենքի, պետք է ազատ արձակվեր դրանից երեք ժամ հետո։ Հիշեցնենք, որ ավելի վաղ, ոստիկանությունը հայտարարել էր, թե նա ազատ է արձակվել: