Հուլիսի 25-ի լույս 26-ի գիշերը Ռիո ուղևորվեց Հայաստանի հավաքականի երկրորդ խումբը։ Այսօր մեր մարզիկները հասան Ռիո, տեղավորվեցին օլիմպիական ավանում՝ միանալով մեր հավաքականի մյուս խմբին։ MAMUL.am-ի թղթակցի հետ զրույցում մեր մարզիկները նշեցին, որ ուրախ են հասնել Ռիո և միանալ հավաքականի մյուս անդամներին ։
Նշենք, որ երկրորդ խմբով Ռիո մեկնեց բռնցքամարտի մեր հավաքականն, ինչպես նաև հրաձիգ Հրաչ Բաբայանը և ծանրորդ Առաքել Միրզոյանը։ Հիշեցնենք, որ ավելի վաղ Ռիո էին մեկնել ծանրամարտի, թեթև աթլետիկայի և լողի հավաքականները։