Գյումրու «Ասպարեզ» ակումբի աշխատակիցներն ահազանգում են, որ երեկ գիշեր Խորենացի փողոցից բերման ենթարկված «Ասպարեզ» ակումբի նախագահ Լևոն Բարսեղյանի գտնվելու վայրից որևէ տեղեկություն չունեն: «Բազամթիվ անգամներ են եղել, որ Լևոնին ձերբակալել են, բայց նա միշտ կապ է մեզ հետ հաստատել, գտնվելու վայրի մասին տեղեկացրել է, իսկ այս անգամ որևէ տեղեկություն չունենք: Հեռախոսն անհասանելի է»,- ասաց աշխատակիցը: ՀՀ ոստիկանության հասարակայնության հետ կապերի և լրատվության վարչությունից տեղեկանում ենք, որ Ժուռնալիստների «Ասպարեզ» ակումբի նախագահ Լևոն Բարսեղյանը ձերբակալված չէ, առավոտյան ժամը 06:30-ին ազատ են արձակել:
Հիշեցնենք, որ Խորենացի փողոցից գիշերը բերման է ենթարկվել 64 անձ, որոնցից մեկը ձերբակալվել է: