ՀՀ ոստիկանությունը ՊՊԾ գնդի տարածքում է տեղակայել ինժիներական «ИМР» տեսակի 2 ծանր տեխնիկա: Armtimes.com-ին հաջողվել է այս տեխնիկան տեսանկարահանել դեռևս հուլիսի 23-ին, երբ խմբավորման և իրավապահների միջև պայմանավորվածություն էր ձեռքբերվել և լրագրողներին հնարավորություն տրվեց մոտենալ ՊՊԾ գնդի տարածքին: Ստորև ներկայացված լուսանկարներում տեսանելի է, որ «ИМР»-ները տեղափոխվել են ՊՆ-ի պետհամարանիշներով մեքենաներով: «Կան որոշակի հատուկ նշանակության ռազմական տեխնիկական միջոցներ, որոնք ՀՀ ԶՈւ-ի (բոլոր ուժային գերատեսչությունների) համար հանդիսանում են ընդհանուր կիրառության միջոցներ»,- պատասխանել է Արծրուն Հովհաննիսյանը: