Գյումրու «Ասպարեզ» ակումբի նախագահ Լևոն Բարսեղյանը, ուղիղ եթերում անդրադառնալով «Սասնա ծռերի» աջակիցների այսօրվա
ասուլիսին, որտեղ նրանք հարց բարձրացրեցին տղաների սննդի, ջրի, դեղորայքի և բուժօգնության խնդիրների վերաբերյալ, ասաց. «Իշխանությունն իրավունք չունի սննդից զրկելու այս մարդկանց, այլապես դառնում է բանդա: Իշխանությունը պետք է շահագրգիռ լինի պահպանել մարդկանց կյանքը, սովամահության մատնելը գալիս է ապացուցելու, որ զավթիչ է ու որևէ միջոցի դեմ կանգ չի առնում»:
Արյունահեղությունից խուսափելու համար իշխանությունն այսօր որևէ բան անո՞ւմ է` հարցին ի պատասխան, նշեց. «Տեխնիկական բանակցություններ իշխանությունն այսպես թե այնպես վարում է, որոնք ըստ էության չեն, երկրորդ փաթեթով բան չի արել` խոսքը բուն պահանջերի մասին է, քաղբանտարկյալներ, իշխանափոխություն, տարածքների խնդիր»:
Նա նշեց, որ այս ամենը կարող է երկար տևել. մարդիկ կարող են երկար ապրել ՊՊԾ գնդում. «Գուցե Սերժ Սարգսյանի` Մոսկվայում նստող շեֆերից որևէ մեկը հրամայի` տրաքցրեք, պրծնի, ու որոշի դա անել, հեռու չէ իրենից»,- նշեց նա` հավելելով, որ խմբի տղաները չեն նահանջեու: