Ճամայկացի հայտնի արագավազորդ Ուսեյն Բոլթը կատակել է, որ հաջորդ մրցաշրջանում կարող է դառնալ «Մանչեսթր Յունայթեդ»-ի ֆուտբոլիստ։
«Ակումբ տեղափոխվելու վերաբերյալ Մոուրինյոն ինձ դեռ չի զանգահարել, բայց ես գիտեմ, որ նա կզանգահարի։ Հնարավոր է՝ օլիմպիական խաղերից հետո»,- նշել է Բոլթը՝ հավելելով, որ շատ ուրախ է Մոուրինյոյի՝ ակումբը գլխավորելու կապակցությամբ։
«Անկասկած՝ գոհ եմ։ Լավ ընտրություն է։ Մոուրինյոն հաղթող է։ Նա ջանասիրաբար աշխատում է՝ հաջողության հասնելու համար։ Անկասկած դա այն է, ինչ հիմա պետք է «Մանչեսթր Յունայթեդ»-ին։ Նա նոր թիմ է կառուցում»,- նշել է Բոլթը։