Այժմ աշխարհում մոտ 30 հազար զինյալ գրոհային կա, ովքեր ապրում են աշխարհի 100 երկրում և այսպես թե այնպես պատկանում են ահաբեկչական որևէ կազմավորման: Այս մասին հայտարարել է ՄԱԿ-ի հակաահաբեկչական հանձնաժողովի ղեկավար Ժան Պոլ Լաբորդեն: «Ահաբեկչությունը համաշխարհային սպառնալիք է, որին բազմակողմանի ու համախմբված հակահարված է անհրաժեշտ: Կասկած չկա, որ ահաբեկչության սպառնալիքը մշտական է և, ցավոք, իրական:»,- ասել է Լաբորդեն ու նշել, որ երկրները միայնակ չեն կարող պայքարել այդ չարիքի դեմ: