ԴԱԻՇ ահաբեկչական խմբավորումն իր վրա է վերցրել Գերմանիայում այսօր տեղի ունեցած ահաբեկչական ակտը, երբ կացինով զինված 17-ամյա աֆղանացին հարձակվել էր գնացքի ուղևորների վրա: Այս մասին հայտարարություն ահաբեկչական խմբավորումը տարածել է իրեն մոտ կանգնած Amaq լրատվական գործակալության միջոցով: Աֆղանացին անսացել է ահաբեկիչների կոչին՝ հարձակումներ իրականացնել «խաչակիրների երկրում, որոնք պայքարում են Իսլամական պետության (ԴԱԻՇ-ի ինքնանվանումը) դեմ»:
Հիշեցնենք, որ երեկ երեկոյան Գերմանիայում կացնով զինված տղամարդը հարձակվել էր ուղևորների վրա: Վերջին տվյալներով՝ տուժել է 4 հոգի, նրանց թվում՝ Չինաստանից ժամանած մի ընտանիք: